Жалпыға қолжетімді ұсыныс

Медициналық қызметтер көрсетуге арналған
ашық (жария) оферта шарты

Қазақстан Республикасы, Тараз қ. «03» қаңтар 2022 жыл.

1. ЖАЛПЫ ЕРЕЖЕЛЕР

1.1. Осы жария оферта Қазақстан Республикасы Азаматтық кодексінің 387 және 395-баптарына сәйкес «Экомед-Тараз» жауапкершілігі шектеулі серіктестігінде медициналық қызметтер алғысы келетін жеке тұлғаларға, сондай-ақ олардың заңды өкілдеріне (Пациенттерге) арналған.

1.2. Офертаны акцептеу Пациенттің осы ұсыныстың барлық ережелерімен келісетінін білдіреді және Қазақстан Республикасы Азаматтық кодексінің 387-бабына сәйкес медициналық қызметтер көрсету туралы Шарт жасасуға теңестіріледі.

1.3. Осы офертада көрсетілген талаптар «Экомед-Тараз» ЖШС-де медициналық қызметтер көрсету жөніндегі жария шарттың талаптарын құрайды.

1.4. Осы арқылы бұдан әрі «Клиника және/немесе Қызмет көрсетуші» деп аталатын «Экомед-Тараз» ЖШС Жарғы және медициналық қызметті жүзеге асыруға арналған лицензия негізінде әрекет ететін Директор атынан Қазақстан Республикасының азаматтарымен, шетел азаматтарымен және азаматтығы жоқ тұлғалармен, бұдан әрі «Пациент және/немесе Тапсырыс беруші» деп аталатын кез келген жеке тұлғамен осы оферта талаптарында медициналық қызметтер көрсету туралы шарт (бұдан әрі – «Шарт») жасасуға ниет білдіреді.

1.5. Осы офертаның қолданылу мерзімі 5 (бес) жыл болып белгіленеді.

1.6. Осы шарт жария оферта шарты болып табылады және медициналық қызметтер көрсетудің барлық елеулі талаптарын қамтиды.

1.7. Осы шарттың талаптары барлық Пациенттер/Тапсырыс берушілер үшін бірдей болып табылады.

1.8. Осы шарттың талаптарын толық және сөзсіз акцептеудің (қабылдаудың) дәлелі, сондай-ақ шарттың жасалған күні Пациенттің/Тапсырыс берушінің шарт талаптарын орындау жөніндегі әрекеттерді, атап айтқанда қызметтерді (қызметті) алу және/немесе оларға ақы төлеу әрекеттерін жүзеге асыруы болып табылады.

1.9. Осы офертаны қабылдағысы (акцептегісі) келетін жеке тұлғалардың акцепті мына әрекеттердің бірін жүзеге асыру арқылы жасалады:
— call-орталық арқылы маманның қабылдауына алдын ала жазылу;
— медициналық қызметтерді нақты алу;
— медициналық қызметтер үшін алғашқы төлем жасау.

2. ШАРТТЫҢ МӘНІ

2.1. Жеке тұлғаларға медициналық қызметтер көрсету шартын жасасуға арналған осы Жария офертаға (бұдан әрі – Шарт) сәйкес Клиника/Қызмет көрсетуші медициналық қызметті жүзеге асыруға арналған қолданыстағы мемлекеттік лицензияларға және Қазақстан Республикасының денсаулық сақтау саласындағы қолданыстағы нормативтік құқықтық актілеріне сәйкес өз қызметінің бейіні бойынша Пациентке/Тапсырыс берушіге медициналық қызметтерді (бұдан әрі мәтін бойынша – медициналық қызметтер) көрсетуге міндеттенеді, ал Пациент/Тапсырыс беруші көрсетілетін қызметтердің құнын уақтылы төлеуге, Клиника мамандарының талаптары мен ұсынымдарын орындауға, Клиниканың ішкі тәртібі мен мінез-құлық қағидаларын бұзбауға міндеттенеді. Пациентке көрсетілетін медициналық қызметтердің тізбесі мен құны қызметтер көрсетілген сәтте қолданыста болатын Клиниканың Прейскурантымен белгіленеді.

3. ҚЫЗМЕТТЕРДІ КӨРСЕТУ ШАРТТАРЫ МЕН ТӘРТІБІ

3.1. Клиника/Қызмет көрсетуші өз қызметін Қазақстан Республикасының қолданыстағы заңнамасына сәйкес жүзеге асырады:
— Қазақстан Республикасының Конституциясы;
— Қазақстан Республикасының Азаматтық кодексі;
— 2020 жылғы 7 шілдедегі № 360-VI Қазақстан Республикасының «Халық денсаулығы және денсаулық сақтау жүйесі туралы» Кодексі;
— 2015 жылғы 29 қазандағы № 375-V Қазақстан Республикасының Кәсіпкерлік кодексі;
— 2011 жылғы 26 желтоқсандағы № 518-V «Неке (ерлі-зайыптылық) және отбасы туралы» Кодексі;
— Қазақстан Республикасы Денсаулық сақтау министрінің 2020 жылғы 15 желтоқсандағы № ҚР ДСМ-272/2020 бұйрығы. Қосалқы репродуктивтік әдістер мен технологияларды жүргізу қағидалары мен шарттарын бекіту туралы;
— Қазақстан Республикасы Денсаулық сақтау министрінің 2020 жылғы 8 желтоқсандағы № ҚР ДСМ-236/2020 «Жыныстық жасушалар, репродуктивтік ағзалар тіндерінің донорлығын жүргізу қағидалары мен шарттарын бекіту туралы» бұйрығы;
— 2015 жылғы 23 қарашадағы № 414-V Қазақстан Республикасының Еңбек кодексі;
— 2017 жылғы 25 желтоқсандағы № 120-VI Қазақстан Республикасының «Салық және бюджетке төленетін басқа да міндетті төлемдер туралы» Кодексі (Салық кодексі);
— 2008 жылғы 4 желтоқсандағы № 95-IV Қазақстан Республикасының Бюджет кодексі;
— 2014 жылғы 16 мамырдағы № 202-V Қазақстан Республикасының «Рұқсаттар және хабарламалар туралы» Заңы;
— 2013 жылғы 21 мамырдағы № 94-V Қазақстан Республикасының «Дербес деректер және оларды қорғау туралы» Заңы;
— 2010 жылғы 4 мамырдағы № 274-IV Қазақстан Республикасының «Тұтынушылардың құқықтарын қорғау туралы» Заңы;
— 1998 жылғы 22 сәуірдегі № 220-I Қазақстан Республикасының «Жауапкершілігі шектеулі және қосымша жауапкершілігі бар серіктестіктер туралы» Заңы;
— 2015 жылғы 16 қарашадағы № 405-V Қазақстан Республикасының «Міндетті әлеуметтік медициналық сақтандыру туралы» Заңы;
— 2007 жылғы 28 ақпандағы № 234-III Қазақстан Республикасының «Бухгалтерлік есеп пен қаржылық есептілік туралы» Заңы;
— 2015 жылғы 18 қарашадағы № 410-V Қазақстан Республикасының «Сыбайлас жемқорлыққа қарсы іс-қимыл туралы» Заңы;
— 1997 жылғы 11 шілдедегі № 151-I Қазақстан Республикасының «Қазақстан Республикасындағы тіл туралы» Заңы;
— Қазақстан Республикасы Үкіметінің 2020 жылғы 16 қазандағы № 672 «Тегін медициналық көмектің кепілдік берілген көлемінің тізбесін бекіту және Қазақстан Республикасы Үкіметінің кейбір шешімдерінің күші жойылды деп тану туралы» қаулысы;
— Қазақстан Республикасы Денсаулық сақтау министрінің 2020 жылғы 29 қазандағы № ҚР ДСМ-170/2020 «Денсаулық сақтау субъектілерінің ақылы қызметтер көрсету қағидаларын және ақылы медициналық қызметтерді (көмекті) ұсыну жөніндегі шарттың үлгілік нысанын бекіту туралы» бұйрығы.

3.2. Медициналық қызметтер көрсетілетін орын: Тараз қ., Асанбай Асқаров көшесі, 222.

3.3. Пациент Клиника жүргізетін емдеу нәтижеге қол жеткізуге толық кепілдік бере алмайтынымен келіседі, өйткені қызметтер көрсету кезінде және олардан кейін жақын және алыс кезеңдерде әртүрлі асқынулар болуы мүмкін, сондай-ақ қолданылатын медициналық көмек технологиясы ағзаның биологиялық ерекшеліктеріне байланысты жанама әсерлер мен асқынулардың туындау ықтималдығын толықтай жоққа шығара алмайды.

3.4. Клиника/Қызмет көрсетуші осы шарт бойынша қызметтерді жұмыс күндері мен жұмыс уақытында көрсетеді. Жазылу Клиниканың жұмыс уақытында бос уақытқа, кез келген күнге (Клиниканың жұмыс режиміне және нақты маманның жұмыс кестесіне сәйкес) күн сайын жүргізіледі.

Call-орталықтың жұмыс режимі:
дүйсенбі – жұма: 08:00-ден 20:00-ге дейін,
сенбі – 08:00-ден 14:00-ге дейін,
жексенбі – 08:00-ден 15:00-ге дейін.

Клиниканың жұмыс уақытынан тыс уақытта қабылдауға онлайн өтінімдер тек сайт арқылы қабылданады.

Осы ақпаратты өңдеу call-орталық операторларының алғашқы жұмыс сағаттарында жүзеге асырылады.

Өзекті телефон нөмірлері Клиниканың ресми интернет-ресурсында да орналастырылады.

3.5. Мамандардың барлық қабылдаулары алдын ала жазылу арқылы жүзеге асырылады:
— Клиника сайты арқылы http:// www.ecomed.kz, Клиника сайтындағы онлайн өтінімді толтырғаннан кейін;
— call-орталық телефоны арқылы: +7 775 007 07 00;
— Клиникадағы тіркеу бөлімінде әкімшілер арқылы.

Пациенттер тіркеу бөлімімен немесе Клиниканың call-орталығымен келісу бойынша дәрігердің қабылдауына алдын ала жазылусыз кіре алады.

3.6. Барлық кіріс қоңырауларға call-орталық қызмет көрсетеді және call-орталық операторларымен жүргізілген барлық сөйлесулер жазылады.

3.7. Қабылдау ұзақтығы дәрігердің мамандануына және қабылдау түріне (алғашқы/қайталама, қабылдау/қарау, басқа қызметтер) байланысты.

► Алғашқы қабылдаудың ұзақтығы 30 (отыз) минуттан 40 (қырық) минутқа дейін болуы мүмкін, осы аралықта әрбір қабылдаудың ұзақтығын маман белгілейді.
► Маманның қайталама қабылдауының ұзақтығы 20 (жиырма) минуттан 30 (отыз) минутқа дейін болуы мүмкін. Қараудың ұзақтығы 15 (он бес) минуттан 20 (жиырма) минутқа дейін болуы мүмкін.
► Диагностикалық зерттеулердің ұзақтығы зерттеудің нақты түріне байланысты және 15 (он бес) жұмыс күніне дейін созылуы мүмкін.

Ауыр жағдайдағы басқа пациентке шұғыл көмек көрсету, сондай-ақ басқа науқасты шұғыл тәртіппен тексеру қажеттілігі туындаған жағдайда қабылдау уақыты өзгеруі мүмкін.

Пациенттерді дәрігерлердің қабылдауы Клиника белгілеген кестеге сәйкес жүргізіледі. Дәрігерлердің жұмыс кестелері әртүрлі болуы мүмкін. Дәрігер басқа Пациентке шұғыл медициналық көмек көрсету үшін Пациенттерді қабылдауды үзуге құқылы.

3.8. Сайт арқылы қабылдауға жазылу. Сайтта онлайн қабылдауға өтінім беру үшін нысанды толтырып, жазылуды растау үшін call-орталық операторының қоңырауын күту қажет. Егер call-орталықтың жұмыс уақытында 24 сағат ішінде өтінім расталмаса, техникалық ақау орын алуы мүмкін, сондықтан өтінімді қайта жіберу немесе call-орталыққа телефон арқылы хабарласу қажет.

Толығырақ ақпаратты call-орталық телефондары арқылы, сондай-ақ тіркеу бөлімінен алуға болады.

3.9. Клиникаға инфекциялық ауруы бар пациент жүгінген және инфекциялық аурудың бастапқы диагнозы анықталған немесе оған күдік болған жағдайда пациент мамандандырылған медициналық мекемеге жіберіледі.

3.10. Тәртіпті сақтау және қауіпсіздікті қамтамасыз ету мақсатында Орталықтың холдары мен дәліздерінде уәкілетті орган бекіткен пациенттер мен медицина қызметкерлерінің құқықтарын қорғауды қамтамасыз ету мақсатында медициналық ұйымдарда қолданылатын техникалық бақылау құралдарын, бақылау және тіркеу аспаптарын, фото-, бейнеаппаратураны қолдану қағидаларына сәйкес бейнебақылау жүргізіледі.

3.11. Пациенттің өзімен бірге жеке басын куәландыратын құжаты болуы және өзінің дербес деректерін: Т.А.Ә., жасын, тұрғылықты мекенжайын және байланыс телефондарын хабарлауы қажет, ал ҚРТ (қосалқы репродуктивтік технологиялар) қызметтерін алған кезде отбасылық мәртебесін растайтын құжаттарды және емдеу мен қызмет көрсету үшін қажетті барлық басқа құжаттарды ұсынуы тиіс.

3.12. Төлем Орталықтың кассасында қолма-қол ақшамен де, банк картасы арқылы Клиниканың/Қызмет көрсетушінің есеп айырысу шотына да жүзеге асырылады.

Заңды тұлғалар жіберетін азаматтарға (пациенттерге) медициналық қызметтер көрсету шарттары: қол қойылған шарттың болуы; алдын ала төлемнің жүзеге асырылуы; өтінімнің; жолдаманың; жіберілген пациенттің жеке басын куәландыратын құжатының болуы.

3.13. Дәрігер күтпеген жерден болмаған немесе басқа да төтенше жағдайлар туындаған жағдайда call-орталық маманы (әкімші) бұл туралы пациентке алғашқы мүмкіндік болған кезде хабарлайды.

3.14. Келісілген уақытта қабылдауға келу мүмкін болмаған жағдайда пациент Клиникаға мүмкіндігінше қысқа мерзімде телефон арқылы хабарлауға міндеттенеді.

3.15. Егер Пациент белгіленген уақыттан 15 (он бес) минуттан артық кешіксе, Клиника алдын ала жазылу болған жағдайда да Пациентке қызмет көрсетуден бас тартуға құқылы. Егер уақыт бойынша алдыңғы пациентке медициналық көмек көрсетуді аяқтау үшін қажет болса, дәрігер пациенттің алдын ала жазылған қабылдауын неғұрлым кеш уақытқа, бірақ 1 (бір) сағаттан аспайтын мерзімге шегере алады. Егер жағдайы неғұрлым ауыр пациентті қабылдау немесе басқа пациенттердің респираторлық жолмен берілетін инфекциялық ауруы бар пациентпен байланысын азайту қажет болса, дәрігер алдын ала жазылу болған жағдайда да пациенттерді қабылдау кезектілігін өзгерте алады. Дәрігердің денсаулық жағдайына байланысты қабылдау тоқтатылған жағдайда Клиника оған жазылған Пациенттерге бұл туралы жедел түрде хабарлайды, бұл ретте Клиника басқа дәрігерді ұсынуға міндетті емес.

3.16. Пациент/Тапсырыс беруші медициналық Қызметті алу үшін белгіленген уақытқа кешіккен жағдайда Клиника/Қызмет көрсетуші медициналық қызмет көрсету уақытын қысқарту немесе қызметті толықтай тоқтату құқығын өзіне қалдырады, бұл ретте оны төлеуге жұмсалған ақшалай қаражат қайтарылмайды және қайта есептелмейді.

3.17. Диагностикалық зерттеулерді (оның ішінде пункция, биопсия, инъекциялар және т.б.), хирургиялық араласуларды жүргізу қажет болған жағдайда Пациент (немесе оның заңды өкілі) жоғарыда көрсетілген әрекеттерді орындауға ақпараттандырылған келісімге қол қоюға немесе олардан бас тартуға міндеттенеді.

3.18. Денсаулығына құқыққа қайшы әрекеттер нәтижесінде зиян келтірілді деп пайымдауға жеткілікті негіздер бар пациенттер Клиникаға жүгінген жағдайда Клиника мәліметтерді медициналық ұйымның орналасқан жері бойынша Қазақстан Республикасының құқық қорғау органдарына береді.

3.19. Пациент белгіленген уақыттан 10 (он) минут бұрын келіп, медициналық құжаттарды қалыптастыру үшін өзімен бірге жеке басын куәландыратын құжатын алып келуі қажет. Бұл ретте Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 «Денсаулық сақтау саласындағы есепке алу құжаттамасының нысандарын бекіту туралы» бұйрығына сәйкес Пациент Клиникаға келген кезде де, алдын ала жазылған кезде де өзінің дербес деректерін: Т.А.Ә., ЖСН, жасын, тұрғылықты мекенжайын және байланыс телефонын хабарлауы қажет.

3.20. Келісілген уақытта қабылдауға келу мүмкін болмаған жағдайда Пациент Клиникаға мүмкіндігінше қысқа мерзімде телефон арқылы хабарлауға міндеттенеді. Әрбір Пациентке жазылуға сәйкес белгілі бір қабылдау уақыты бөлінеді. Кешігу және қабылдаудың кідіруі көрсетілетін қызметтің сапасын төмендетіп, келесі Пациенттің қабылдауын кешіктіруі мүмкін.

3.21. Пациент қабылдау уақытының 30%-ынан артық уақытқа кешіккен жағдайда, егер кейінгі пациенттердің мүдделерін бұзбай қабылдау уақытын ұзарту мүмкін болмаса, дәрігер қабылдауды басқа уақытқа ауыстыру құқығын өзіне қалдырады.

3.22. Пациент Клиника дәрігерінің және өзге де персоналының кабинетіне олардың шақыруы бойынша кіреді. Қабылдау жүріп жатқан кезде Клиника персоналының кабинетіне шақырусыз кіруге тыйым салынады. Бұл Клиниканың ішкі тәртіп қағидаларын бұзу және Клиника персоналына ғана емес, басқа пациенттерге де құрметсіздік таныту ретінде бағаланады.

3.23. Пациент Клиниканың медициналық персоналының нұсқауларын (ұсынымдарын) сақтамау көрсетілетін медициналық қызметтің сапасын төмендетуі, оны белгіленген мерзімде аяқтауға мүмкіндік бермеуі немесе денсаулық жағдайына кері әсер етуі мүмкін екендігі туралы хабардар етілген.

3.24. Пациент Клиниканың ішкі тәртібі мен мінез-құлық қағидаларын бұзған, медицина қызметкерлерінің заңды қызметіне кедергі келтірген, Клиника персоналына құрметсіздік танытқан, дәрігерлер мен Клиника персоналы туралы жағымсыз пікірлер білдірген, персоналға дөрекі қарым-қатынас жасаған, медициналық персоналдың нұсқамаларын, ұсынымдары мен тағайындауларын орындамаған, сондай-ақ пациент пен дәрігер арасындағы медициналық жанжал түрінде көрініс тапқан психологиялық үйлесімсіздік болған жағдайда, егер медициналық қызметтер көрсетуді тоқтату Пациенттің өміріне және айналасындағылардың денсаулығына қауіп төндірмесе, Клиника осы бұзушылықтар анықталған сәттен бастап осы шарттан бас тартуға құқылы. Бұл ретте нақты көрсетілген қызметтердің құны қайтарылмайды.

3.25. Пациент жеке гигиена қағидаларын сақтауға міндеттенеді.

3.26. Эпидемиялар (ЖРВИ және басқалар) кезінде әлеуметтік қашықтықты сақтау, жеке қорғаныш құралдарын: респираторлық инфекциядан қорғауға арналған дәке немесе өзге де таңғыштарды пайдалану ұсынылады.

3.27. Әрбір инвазивтік араласу алдында Пациент оның мәтінімен алдын ала танысып, ақпараттандырылған келісімге қол қояды.

3.28. Пациенттің диагнозы, ағзасының жағдайы, емдеу және профилактика жөніндегі ұсынымдар мен тағайындаулар туралы ақпаратты қамтитын денсаулық жағдайы туралы медициналық қорытындылар, егер оларды Клиниканың медициналық персоналы жұмыс уақытында пациентке ұсынған болса, Клиниканың меншігі болып табылады. Пациент медициналық көмек алу мақсатында осы медициналық қорытындының деректерін басқа медициналық ұйымдардың медицина қызметкерлеріне ұсынуға құқылы. Қазақстан Республикасының заңнамасында өзгеше белгіленбесе, осы Шартпен пациентке немесе өзге тұлғаларға Клиникамен келіспей пациенттің медициналық қорытындыларын бұқаралық ақпарат құралдарында, әлеуметтік медиада және желілік қарым-қатынас қызметтерінде жариялауға, сондай-ақ үшінші тұлғаларға көрсетуге тыйым салынады.

3.29. Клиника персоналы осы Шартта баяндалған Клиникадағы мінез-құлық қағидалары сақталмаған жағдайда Пациентке қызмет көрсетуден бас тартуға құқылы.

3.30. Клиникаға барған кезде Пациенттер мен оларды алып жүретін тұлғалар Клиника мүлкіне ұқыпты қарауы қажет. Мүліктің кез келген түріне залал келтірілген жағдайда (жою, бүлдіру, зақымдау және т.б.) кінәлі тұлға талап қойылған сәттен бастап 7 (жеті) жұмыс күні ішінде Клиникаға келтірілген залалды ерікті түрде өтейді немесе әкімшілік оны заңда белгіленген тәртіппен кінәлі тұлғадан өндіріп алуға құқылы.

3.31. Пациент Клиника жүргізетін емдеу нәтижеге қол жеткізуге толық кепілдік бере алмайтынымен келіседі, өйткені медициналық қызметтер көрсету кезінде және олардан кейін жақын және алыс кезеңдерде әртүрлі асқынулар болуы мүмкін, сондай-ақ қолданылатын медициналық көмек технологиясы ағзаның биологиялық ерекшеліктеріне байланысты жанама әсерлер мен асқынулардың туындау ықтималдығын толықтай жоққа шығара алмайды.

3.32. Клиниканың ішкі тәртіп және мінез-құлық қағидалары. Медициналық мекемеге барған және оның үй-жайларында болған кезде:
— емдеуші дәрігердің әрекеттеріне араласуға, медициналық көмек көрсету процесін бұзуға ықпал ететін өзге де әрекеттер жасауға;
— басқа пациенттер мен Клиника қызметкерлеріне құрметсіздік танытуға;
— Клиника мүлкін бүлдіруге;
— Клиникадағы тыныштық пен тәртіпті бұзуға, шулауға, есіктерді тарсылдатуға және т.б.;
— қабылдау және медициналық рәсімдер кезінде ұялы телефонмен сөйлесуге;
— былапыт сөздер айтуға, Клиника персоналын немесе Клиникадағы өзге тұлғаларды балағаттауға және оларға дөрекілік көрсетуге не басқа тұлғалардың қатысуымен олармен қарым-қатынасты анықтауға;
— Клиника қызметкерлері мен басқа Пациенттерді қорлауға, олардың ар-намысы мен қадір-қасиетіне нұқсан келтіруге, Клиника персоналы мен басқа Пациенттерге қоқан-лоқы көрсетуге және қысым жасауға жол берілмейді.

3.33. Клиникада және оған іргелес аумақта болған кезеңде Пациентке, оның заңды өкіліне және алып жүруші тұлғаларға:
— алкогольдік ішімдіктер ішуге, өзге де есірткілік және масайтатын заттарды қолдануға, кіреберісте, сондай-ақ Клиниканың кез келген үй-жайында темекі шегуге;
— қоқысты, темекі тұқылдарын, жеке гигиена құралдарын, бахилаларды және басқа медициналық құралдарды, пайдаланылған препараттарды еденге тастауға қатаң тыйым салынады.

3.34. Пациенттің, оның заңды өкілдерінің және алып жүруші тұлғалардың әдепсіз, жол берілмейтін және агрессивті мінез-құлқы, зорлық-зомбылық немесе бұзақылық әрекеттер жасауы, медициналық персоналға дөрекі сөздер айтуы, алкогольдік немесе есірткілік масаң күйде болуы жағдайында Клиника әкімшілігі Пациентті бақылау мен емдеуден бас тарту құқығын өзіне қалдырады.

3.35. Клиника үй-жайларында тазалық пен тәртіпті сақтау қажет. Қоқыс, пайдаланылған жеке гигиена құралдары тек қоқыс жәшіктеріне тасталуы тиіс, пайдаланылған бахилалар Клиника фойесінде орналасқан арнайы жәшікке салынады.

3.36. Эпидемиологиялық жағдай кезінде Пациентке, оның заңды өкіліне және алып жүруші тұлғаларға жеке қорғаныш құралдарын: респираторлық инфекциядан қорғауға арналған дәке немесе өзге де таңғыштарды пайдалану ұсынылады.

3.37. Клиника басшылығы мен персоналы жоғарыда баяндалған ішкі тәртіп және мінез-құлық қағидалары сақталмаған жағдайда пациентке қызмет көрсетуден, бақылаудан және емдеуден, медициналық қызметтер көрсетуден бас тартуға құқылы.

4. ТӨЛЕМ ЖАСАУ ТӘРТІБІ

4.1. Қызметтер үшін төлем маманның алғашқы/қайталама қабылдауына дейін қызмет көрсетілетін күні кассада толық көлемде жүргізіледі. Есеп айырысу қолма-қол ақшамен де, қолма-қол ақшасыз тәсілмен де жүргізілуі мүмкін.

Алғашқы қабылдау – бір ай шеңберінде нақты бір маман дәрігерге алғаш рет жүгіну;

Қайталама қабылдау – осы ай ішінде Клиника пациентінің сол маман дәрігерге барлық қайталама жүгінулерін қамтиды.

4.2. Пациентке/Тапсырыс берушіге көрсетілетін ақылы медициналық қызметтердің құны Пациент жүгінген сәтте қолданыста болатын, Клиника/Қызмет көрсетуші бекіткен ақылы медициналық қызметтер Прейскурантына сәйкес айқындалады.

4.3. Медициналық қызметтер үшін төлемді Пациент/Тапсырыс беруші жеке өзі (немесе оның келісімімен өзге тұлға) қызметтер көрсетіле бастаған күні қолданыстағы Прейскурантқа сәйкес толық көлемде төлейді.

4.4. Пациент/Тапсырыс беруші Клиника басшысының атына жазбаша өтініш беру арқылы тексеруден немесе емдеуден негізді түрде бас тартқан жағдайда медициналық қызметтер үшін төленген сома Пациенттің жеке басын куәландыратын құжаты және чегі болған кезде Пациентке/Тапсырыс берушіге қайтарылады, Клиника мен Пациент арасында жасалған жеке шартта көзделген жағдайларды қоспағанда.

4.5. Қызмет мерзімінен бұрын тоқтатылған жағдайда Клиника/Қызмет көрсетуші Пациентке/Тапсырыс берушіге төленген сома мен нақты көрсетілген қызмет құны арасындағы айырманы қайтарады, Пациент/Тапсырыс беруші Шарт талаптарын бұзған жағдайларды қоспағанда.

4.6. Пациент Клиника қызметтерін алғанға дейін оларға ақы төлеуге міндетті. Медициналық көмек көрсету барысында Клиниканың медициналық персоналы қосымша қызметтер тағайындаған жағдайда Пациент оларды алғаннан кейін 30 (отыз) минуттан кешіктірмей төлеуге міндеттенеді. Есеп айырысу қолма-қол ақшамен де, қолма-қол ақшасыз тәсілмен де жүргізілуі мүмкін.

4.7. Клиника қызметтеріне ақы төлеу Қазақстан Республикасының «Валюталық реттеу және валюталық бақылау туралы» Заңына сәйкес тек Қазақстан Республикасының ұлттық валютасында жүзеге асырылады.

5. КЛИНИКАНЫҢ/ҚЫЗМЕТ КӨРСЕТУШІНІҢ ҚҰҚЫҚТАРЫ МЕН МІНДЕТТЕРІ

5.1. Медициналық қызметтер көрсету кезінде Клиника/Қызмет көрсетуші:

5.1.1. Медициналық қызметтерді Қазақстан Республикасының денсаулық сақтау саласындағы қолданыстағы заңнамасына, Клиникада/Қызмет көрсетушіде бар лицензияларға, медициналық көмек көрсету тәртіптеріне және медициналық көмек стандарттарына сәйкес көрсетуге;

5.1.2. Денсаулық сақтау саласындағы нормативтік құқықтық актілерді сақтауға;

5.1.3. Пациентке/Тапсырыс берушіге осы шарт бойынша медициналық қызметтер көрсетілетін кезеңде қолданыста болатын Прейскурантпен танысу мүмкіндігін беруге;

5.1.4. Медициналық қызметтерді ауруларды диагностикалау мен емдеудің клиникалық хаттамаларына сәйкес, ал клиникалық хаттамалар болмаған жағдайда медициналық көрсетілімдер бойынша жалпы қабылданған тәсілдер мен дәлелді медицина базасына сәйкес көрсетуді қамтамасыз етуге;

5.1.5. Ақылы медициналық қызметтер көрсету кезінде кенеттен туындаған жіті аурулар, жағдайлар, созылмалы аурулардың асқынуы кезінде пациенттің өміріне төнген қауіпті жою үшін шұғыл көрсетілімдер бойынша қосымша медициналық қызметтер көрсету қажет болған жағдайда Қазақстан Республикасының 2020 жылғы 7 шілдедегі «Халық денсаулығы және денсаулық сақтау жүйесі туралы» Кодексіне (бұдан әрі – Кодекс) сәйкес оларды ақысыз көрсетуді қамтамасыз етуге;

5.1.6. Пациентті Клиниканың орналасқан жері (мемлекеттік тіркелген жері), жұмыс режимі, көрсетілетін медициналық қызметтердің тізбесі, осы қызметтерді көрсету және алу шарттары туралы мәліметтерді қамтитын тегін, қолжетімді және шынайы ақпаратпен қамтамасыз етуге;

5.1.7. Пациентті мына жағдайлар туралы ақпараттандыруға және хабардар етуге:
— қандай да бір қызмет түрлерін көрсету мүмкін еместігі туралы;
— Пациентке шұғыл немесе жоспарлы стационарлық емдеуді ұйымдастыру қажеттілігі туралы;
— нақты қызмет түрін көрсетуге қарсы көрсетілімдер мен ықтимал жағымсыз салдарлар туралы;
— ішкі тәртіп пен мінез-құлық қағидалары бұзылған жағдайда шартты біржақты бұзу туралы.

5.1.9. Пациентке оның денсаулық жағдайын көрсететін медициналық құжаттамамен тікелей танысу мүмкіндігін қамтамасыз етуге және Пациенттің немесе оның заңды өкілінің жазбаша талабы бойынша Пациенттің денсаулық жағдайын көрсететін медициналық құжаттардың көшірмелерін беруге;

5.1.10. Қазақстан Республикасының заңнамасына сәйкес пациентке медициналық құжаттаманы, сондай-ақ жүргізілген зерттеулер мен емдеу іс-шаралары көрсетілген денсаулық жағдайы туралы қорытындыларды беруге;

5.1.11. Медициналық қызметтер көрсету кезінде өз аумағында қажетті санитариялық-гигиеналық және эпидемияға қарсы тәртіпті сақтауға;

5.1.12. Персоналдың Ар-намыс кодексі нормаларын сақтауына ықпал етуге;

5.1.13. Пациентке/Тапсырыс берушіге құрметпен және ізгілікпен қарауға;

5.1.14. Пациент/Тапсырыс беруші осы шарттың 4-бөлімінде белгіленген тәртіппен ақшалай қаражатты енгізгеннен және төлемді растайтын құжаттарды ұсынғаннан кейін осы шартқа сәйкес заманауи диагностика және емдеу әдістерін пайдалана отырып, медициналық қызметтерді сапалы әрі толық көлемде көрсетуге;

5.1.15. Пациентке/Тапсырыс берушіге көрсетілген медициналық қызметтердің түрлерін, көлемін, құнын, сондай-ақ одан түскен ақшалай қаражатты есепке алуға міндетті.

5.2. Медициналық қызметтер көрсету кезінде Клиника/Қызмет көрсетуші:

5.2.1. Қазақстан Республикасы Денсаулық сақтау министрлігі бекіткен диагностика және емдеудің клиникалық хаттамаларын, медициналық көмек көрсету тәртіптері мен стандарттарын басшылыққа ала отырып, ал тиісті клиникалық хаттамалар болмаған жағдайда медициналық көрсетілімдер бойынша жалпы қабылданған тәсілдер мен дәлелді медицина базасына, сондай-ақ клиникалық базаның мүмкіндіктеріне сүйене отырып, диагноз қоюға және емдеуге бағытталған қажетті медициналық қызметтердің көлемін дербес айқындауға;

5.2.2. Осы Шарт бойынша өз міндеттемелерін орындау үшін үшінші тұлғаларды (бірлесіп орындаушыларды) тартуға;

5.2.3. Дәрігер нұсқамалары орындалмаған, Пациент/Тапсырыс беруші режимді, Клиникада болу қағидаларын, сондай-ақ ішкі тәртіпті бұзған жағдайда емдеуді біржақты тәртіппен мерзімінен бұрын тоқтатуға;

5.2.4. Пациент медициналық қызметтерге ақы төлеу жөніндегі міндеттемелерін орындағанға дейін ақылы қызметтерді көрсетуге кіріспеуге;

5.2.5. Мына жағдайларда қызмет көрсетуден бас тартуға:
— Пациентте емдеу-диагностикалық іс-шараларды жүргізуге қарсы көрсетілімдер анықталған жағдайда;
— Пациент Клиниканың ұсынымдарын сақтамаған жағдайда;
— Клиниканың ішкі тәртібі, осы шартта баяндалған Клиникадағы мінез-құлық қағидалары бұзылған жағдайда;
— медициналық қызметті қауіпсіз көрсетуді қамтамасыз ету мүмкін болмаған жағдайда;
— Пациент нақты қызмет түрлерін көрсету кезінде қажетті құжаттарды (медициналық араласуға ерікті ақпараттандырылған келісім және т.б.) ресімдеуден/қол қоюдан бас тартқан жағдайда;

5.2.6. Пациент/Тапсырыс беруші Клиниканың/Қызмет көрсетушінің пікірінше оның денсаулығына төнетін қауіпті азайтуы немесе жоюы мүмкін қызметтерден бас тартқан жағдайда, мұндай бас тартудың денсаулығына ықтимал салдарын түсіндіре отырып, одан медициналық көмектен бас тарту туралы тиісті қолхат алуға;

5.2.7. Пациентпен алдын ала келісу бойынша қызмет көрсету уақытын өзгертуге, жіті ауру белгілері бар Пациентті кезектен тыс қабылдауға, емдеуші дәрігерді ауыстыруға;

5.2.8. Пациент өзіне белгіленген қызмет алу уақытынан 15 (он бес) минуттан артық кешіккен жағдайда Пациенттің қабылдауға жазылуын басқа уақытқа ауыстыруға немесе тоқтатуға;

5.2.9. Пациенттердің дербес деректерін сақтауға және өңдеуге, заңнамаға сәйкес иесіздендірілген түрде пайдалануға;

5.2.10. Қазақстан Республикасының Денсаулық туралы кодексінде көзделген жағдайларда пациенттің келісімінсіз медициналық көмек көрсетуге құқылы.

6. ПАЦИЕНТТІҢ/ТАПСЫРЫС БЕРУШІНІҢ ҚҰҚЫҚТАРЫ МЕН МІНДЕТТЕРІ

6.1. Пациент/Тапсырыс беруші:

6.1.1. Клиника пациенттеріне арналған ішкі тәртіп және мінез-құлық қағидаларын, «Экомед-Тараз» ЖШС-де белгіленген қағидаларды сақтауға;

6.1.2. Емдеуші дәрігердің және медициналық қызметтер көрсететін тиісті мамандардың емдеу мен тексеруге қатысты медициналық нұсқамаларын, тағайындаулары мен ұсынымдарын уақтылы және дәл орындауға, Клиниканың/Қызмет көрсетушінің ішкі тәртіп қағидаларын, емдеу-қорғау режимін, қауіпсіздік техникасы мен өрт қауіпсіздігі қағидаларын сақтауға;

6.1.3. Медициналық көмек көрсетудің барлық кезеңдерінде дәрігермен (медициналық персоналмен) ынтымақтасуға;

6.1.4. Осы шарттың қолданылу мерзімі ішінде өзін-өзі емдеумен айналыспауға, емшілердің, дәстүрлі емес медицина дәрігерлерінің, сондай-ақ басқа медициналық ұйымдар дәрігерлерінің ұсынымдарын дәрігермен алдын ала келіспей орындамауға және олардан ем алмауға;

6.1.5. Медицина қызметкерлеріне, медициналық көмек көрсетуге қатысатын басқа тұлғаларға құрметпен қарауға, сондай-ақ басқа пациенттердің құқықтарын құрметтеуге;

6.1.6. Осы шарт бойынша медициналық қызметтер көрсету тәртібімен және шарттарымен танысуға;

6.1.7. Клиника/Қызмет көрсетуші бекіткен Прейскурантқа сәйкес медициналық қызметтердің құнын олар көрсетілгенге дейін осы шарттың 4-бөлімінде белгіленген тәртіппен және тек Клиниканың/Қызмет көрсетушінің кассасы арқылы төлеуге;

6.1.8. Медициналық көмек көрсететін тұлғаға медициналық қызметтерді сапалы көрсету үшін қажетті және шынайы ақпаратты: өзінің дербес деректерін, өзінің және жақын туыстарының денсаулық жағдайы туралы, анамнезінде бар патологиялар, тұқым қуалайтын, бұрын ауырған немесе қазіргі аурулар, инфекциялар, операциялар, ықтимал қарсы көрсетілімдер, оның ішінде дәрілік заттарды қолдануға қарсы көрсетілімдер, ағзаның жеке ерекшеліктері, зиянды әдеттер мен кәсіптік зиянды факторлар, аллергиялық реакциялар туралы мәліметтерді және өзге де қажетті құжаттарды ұсынуға. Сондай-ақ Клиникада/Қызмет көрсетушіде жүргізілмеген алдыңғы зерттеулер мен мамандар консультацияларының деректерін (болған жағдайда), өзінің денсаулық жағдайы және емдеу барысына әсер етуі мүмкін өзге факторлар туралы өзіне белгілі барлық мәліметтерді ұсынуға;

6.1.9. Пациент өзінің денсаулығы туралы ақпаратты қасақана бұрмалау қойылатын диагноздың дұрыстығына, тағайындалатын емге және сауығу болжамына әсер етуі мүмкін екенін білуге тиіс;

6.1.10. Пациент денсаулық жағдайы нашарлағаны туралы емдеуші дәрігеріне дереу хабарлауға, емдеу курсынан өту кезінде көңіл-күйіндегі және денсаулық жағдайындағы кез келген өзгерістер туралы емдеуші дәрігерге хабарлауға, өзінің денсаулығына зиян келтіруі мүмкін қолайсыз жағдайлар туралы дәрігерді дереу ақпараттандыруға міндетті;

6.1.11. Емдеуші дәрігер болмаған жағдайда осы ақпаратты Клиниканың тіркеу бөлімінің немесе call-орталығының қызметкеріне беруге;

6.1.12. Байланыс ақпаратын (электрондық пошта мекенжайы, телефон нөмірлері, нақты тұрғылықты мекенжайы), сондай-ақ дербес деректерін, қажет болған жағдайда отбасылық мәртебесін растайтын ақпарат пен құжаттарды хабарлауға;

6.1.13. Клиника/Қызмет көрсетуші дәрігерлерінің пікірінше Пациенттің/Тапсырыс берушінің денсаулығына төнетін қауіпті азайтуы немесе жоюы мүмкін қызметтерден бас тартқан жағдайда медициналық көмектен бас тарту туралы тиісті қолхат беруге;

6.1.14. Пациент/Тапсырыс беруші белгіленген қызмет алу уақытынан 15 (он бес) минуттан артық кешіккен және/немесе келмеген жағдайда Клиника/Қызмет көрсетуші қызмет алу мерзімін ауыстыру немесе қызметті тоқтату құқығын өзіне қалдырады;

6.1.15. Өз денсаулығы туралы ақпаратты жасырған немесе толық емес ақпарат берген жағдайда емдеу нәтижесі үшін Клиника/Қызмет көрсетуші жауапты болмайды;

6.1.16. Эпидемиялар, карантин кезінде әлеуметтік тәртіпті сақтауға, қорғаныш құралдарын, респираторлық инфекциядан қорғауға арналған дәке немесе өзге де таңғыштарды пайдалануға;

6.1.17. Клиника мүлкіне ұқыпты қарауға;

6.1.18. Осы Шартта баяндалған қағидаларды сақтауға міндетті.

6.2. Медициналық көмекке жүгінген және оны алған кезде Пациент:

6.2.1. Бөлімшеде жұмыс істейтін дәрігерлер арасынан емдеуші дәрігерді таңдауға, тиісті балама болған жағдайда басқа емдеуші дәрігерге ауысуға;

6.2.2. Клиника қызметкерлері мен медициналық көмек көрсетуге қатысатын басқа тұлғалар тарапынан құрметпен қаралуға;

6.2.4. Клиникадан/Қызмет көрсетушіден денсаулық жағдайы туралы қажетті медициналық ақпарат пен оны растайтын құжаттарды талап етуге;

6.2.5. Бұрын берілген түсініктемелер түсініксіз болған жағдайда Клиникадан/Қызмет көрсетушіден өзінің денсаулық жағдайына, ұсынылған диагностика және емдеу әдістеріне қатысты қосымша түсініктемелер талап етуге;

6.2.6. Емдеуші дәрігерінің және оған медициналық көмек көрсетуге тікелей қатысатын басқа тұлғалардың тегі, аты, әкесінің аты, лауазымы, жұмыс тәжірибесі мен біліктілік деңгейі туралы ақпарат алуға;

6.2.7. Санитариялық-гигиеналық және эпидемияға қарсы талаптарға сәйкес жағдайларда тексерілуге және емделуге;

6.2.8. Заңнамалық актілерге сәйкес медициналық араласуға ерікті ақпараттандырылған келісім беруге;

6.2.9. Пациент немесе оның заңды өкілі заңда көзделген жағдайларды қоспағанда, медициналық араласудан бас тартуға немесе оны тоқтатуды талап етуге құқылы. Медициналық араласудан бас тартқан кезде Пациентке немесе оның заңды өкіліне қолжетімді нысанда ықтимал салдарлар түсіндірілуі тиіс. Медициналық араласудан бас тарту ықтимал салдарлары көрсетіле отырып медициналық құжаттамаға жазылады және оған Пациент не оның заңды өкілі, сондай-ақ медицина қызметкері қол қояды;

6.2.10. Ішкі аудит және пациенттерді қолдау қызметіне, Клиниканың лауазымды тұлғаларына, сондай-ақ бақылаушы және/немесе қадағалаушы органдарға немесе сотқа жүгінуге;

6.2.11. Заңнамалық актілерде көзделген жағдайларды қоспағанда, оның медициналық көмекке жүгіну фактісі, денсаулық жағдайы, диагнозы және оны тексеру мен емдеу кезінде алынған өзге де мәліметтердің Клиника персоналы тарапынан Клиникадан тыс жерде таратылмауына;

6.2.13. Өзінің денсаулық жағдайы, қолданылатын диагностика және емдеу әдістері туралы, оның ішінде тексеру нәтижелері, аурудың болуы, оның диагнозы мен болжамы, емдеу әдістері, олармен байланысты қауіп, медициналық араласудың ықтимал нұсқалары, олардың салдары және жүргізілген емдеу нәтижелері туралы толық ақпаратты қолжетімді нысанда алуға, сондай-ақ ұсынылатын және балама емдеу әдістерінің ықтимал қаупі мен артықшылықтары, емдеуден бас тартудың ықтимал салдары, диагноз, болжам және емдеу іс-шараларының жоспары, үйіне шығарудың немесе басқа медициналық ұйымға ауыстырудың себептері туралы түсініктеме алуға, өзінің денсаулық жағдайы туралы тәуелсіз пікір алуға және консилиум өткізуге құқылы.

6.2.14. Пациент өзінің денсаулық жағдайы туралы ақпарат хабарлануы тиіс тұлғаны тағайындай алады. Денсаулық жағдайы туралы ақпарат пациенттің денсаулық жағдайын ескере отырып одан жасырылуы және пациенттің жұбайына (зайыбына), жақын туыстарына немесе заңды өкілдеріне хабарлануы мүмкін.

7. ҚҰПИЯЛЫЛЫҚ

7.1. Осы Шартты орындау мақсатында Қазақстан Республикасының 2013 жылғы 21 мамырдағы № 94-V «Дербес деректер және оларды қорғау туралы» Заңының 7, 8-баптарына сәйкес Пациент Клиникаға өзінің дербес деректерін (оның ішінде: тегі, аты, әкесінің аты, туған күні, жеке басын куәландыратын құжат деректері, жеке сәйкестендіру нөмірі, тіркелген мекенжайы және тұрғылықты мекенжайы, байланыс деректері, қажет болған жағдайда отбасылық мәртебесін растайтын құжаттар және т.б.) ұсынады және Клиника көрсететін қызметтерді алу мақсатында Клиника персоналының өзінің дербес деректерін, сондай-ақ Пациенттің денсаулық жағдайына қатысты арнайы дербес деректерін өңдеуіне келісім береді. Аталған келісім жоғарыда көрсетілген мақсаттарға қол жеткізу үшін қажетті Пациенттің дербес деректеріне қатысты кез келген әрекеттерді, оның ішінде шектеусіз: жинауды, жүйелеуді, жинақтауды, сақтауды, нақтылауды (жаңартуды, өзгертуді), пайдалануды, таратуды (оның ішінде беруді), иесіздендіруді, бұғаттауды, жоюды, сондай-ақ қолданыстағы заңнамаға сәйкес дербес деректермен кез келген өзге әрекеттерді жүзеге асыруға беріледі, сондай-ақ пациент Клиникада фото-, бейне-, аудиотіркеу жүргізуге келісім береді. Дербес деректерді Клиника мына тәсілдермен өңдейді: автоматтандыру құралдарын пайдалана отырып дербес деректерді өңдеу, автоматтандыру құралдарын пайдаланбай дербес деректерді өңдеу (автоматтандырылмаған өңдеу).

7.2. Тараптар осы Шарттың талаптарын орындау кезінде екінші Тараптан алынған кез келген ақпараттың құпиялылығын сақтау жөніндегі өзара міндеттемелерді қабылдайды.

7.3. Тараптар мұндай ақпаратқа тек Шарт бойынша міндеттемелерді орындауға тікелей қатысатын тұлғалардың қол жеткізуін қамтамасыз етеді.

7.5. Тараптар қызметтер көрсетуге қатыспайтын үшінші тұлғаларға екінші Тараптан Шартқа сәйкес немесе оған байланысты алынған кез келген ақпаратты оны ұсынған Тараптың жазбаша келісімінсіз жария етпеуге және Шарт бойынша міндеттемелерді тиісінше орындаудан өзгеше мақсаттарда пайдаланбауға міндеттенеді, бұл ақпарат оны алған Тарапқа Шарт негізінде алынғанға дейін белгілі болған жағдайларды қоспағанда.

7.6. Осы шартпен құпия деп танылған ақпаратты үшінші тұлғаларға беру немесе Клиникадан тыс жерде өзге тәсілмен жария ету екінші Тараптың жазбаша келісімі алынғаннан кейін ғана жүзеге асырылуы мүмкін (заңнамаға сәйкес мұндай келісім талап етілмейтін жағдайларды қоспағанда).

7.7. Пациенттің немесе оның өкілінің келісімімен Пациентті тексеру және емдеу мүддесінде медицина қызметкерінің құпиясын құрайтын мәліметтерді Клиникадан тыс басқа тұлғаларға, оның ішінде лауазымды тұлғаларға беруге жол беріледі (заңнамаға сәйкес мұндай келісім талап етілмейтін жағдайларды қоспағанда).

7.8. Пациенттің медициналық құжаттарындағы және медицина қызметкерінің құпиясын құрайтын ақпаратты Пациенттің немесе оның өкілінің келісімінсіз беру өзінің жағдайына байланысты еркін білдіруге қабілетсіз Пациентті тексеру және емдеу мақсатында, сондай-ақ Қазақстан Республикасының заңнамасында көзделген өзге жағдайларда жол беріледі.

7.9. Медициналық тексерулердің нәтижелерін Клиника персоналы пациенттерге жеке өзі не мобильді немесе өзге қосымшалар арқылы, сондай-ақ электрондық байланыс құралдары арқылы, Пациент тіркелу кезінде көрсеткен сұрау салуы бойынша ғана хабарлайды.

7.10. Пациент/Тапсырыс беруші дербес деректерді өңдеуге келісімді, қызметтер көрсетуге ақпараттандырылған келісімді Клиниканың ресепшенінде автоматтандырылған құрылғыда ЭЦҚ кілті арқылы немесе заңнамаға қайшы келмейтін өзге тәсілмен қол қою арқылы береді.

7.10.1. Пациент/Тапсырыс беруші осы Шартқа қол қою арқылы оның талаптарын қабылдайды және Клиникаға/Қызмет көрсетушіге өзінің дербес деректерін өңдеуге келісім береді.

7.10.2. Пациент/Тапсырыс беруші осы Шартқа қол қою арқылы Клиниканың/Қызмет көрсетушінің аумағында аудио-, фото- және бейнетүсірілім жүргізуге, сондай-ақ аудио-, фото-, бейнематериалдарды Клиниканың/Қызмет көрсетушінің ресми сайтында жариялауға келіседі.

7.10.3. Мен медициналық қызметтер көрсетуге арналған Жария шарттың талаптарымен таныстым және оларды қабылдаймын, Клиниканың/Қызмет көрсетушінің http://www.ecomed.kz сайтында орналастырылған медициналық қызметтер көрсетуге арналған Жария шарттың жасалғанын растаймын.

8. ЖАУАПКЕРШІЛІК

8.1. Осы Шарт бойынша міндеттемелерін орындамаған немесе тиісінше орындамаған Тарап Қазақстан Республикасының қолданыстағы заңнамасына сәйкес жауапты болады.

8.2. Егер осы Шартты орындамау немесе тиісінше орындамау Пациенттің осы Шарт талаптарын бұзуынан туындаса, сондай-ақ Қазақстан Республикасының заңнамасында көзделген өзге негіздер бойынша Клиника жауапкершіліктен босатылады.

8.3. Клиника Пациент ұсынған құжаттардың (оның ішінде жеке құжаттардың) және/немесе ақпараттың шынайы болмауы, жалғандығы, дәл еместігі және т.б. салдарынан туындаған салдарлар үшін жауапты болмайды.

8.4. Пациент/Тапсырыс беруші өзінің денсаулығы туралы толық емес ақпарат ұсынған жағдайларда немесе медициналық көрсетілімдерге байланысты жағдайларда Клиника/Қызмет көрсетуші медициналық қызметтердің сапасы үшін жауапты болмайды.

8.5. Егер жоғарыда көрсетілген жағдайлар Пациенттің/Тапсырыс берушінің медициналық нұсқамаларды бұзуы нәтижесінде орын алса, Клиника/Қызмет көрсетуші Пациенттің/Тапсырыс берушінің денсаулығына келтірілген зиян немесе оның сауығу фактісінің болмауы үшін жауапты болмайды.

8.6. Пациент/Тапсырыс беруші Клиника медициналық персоналының ұсынымдары мен талаптарын 2 (екі) және одан да көп рет орындамаған, Клиниканың ішкі тәртібін бұзған жағдайда Клиника осы Шартты біржақты соттан тыс тәртіппен бұзуға және медициналық қызметтер көрсетпеуге құқылы.

8.7. Осы Шарт бойынша құқықтары бұзылды деп есептейтін Тарап екінші Тарапқа өзінің талаптары баяндалған хат жіберуге құқылы. Талапты алған Тарап оған заңда белгіленген тәртіппен жауап беруге міндетті.

8.8. Клиника мына жағдайларда көрсетілетін қызметтердің нәтижесі үшін жауапты болмайды:
— Пациент емдеу жөніндегі ұсынымдарды сақтамаған және Пациенттің денсаулығын нашарлатуға бағытталған өзге әрекеттер жасаған жағдайда;
— медициналық көрсетілімдер болмаған кезде Пациенттің талап етуі бойынша қызметтер көрсетілген жағдайда;
— Пациенттің келмеуіне немесе емдеуді жалғастырудан бас тартуына байланысты емдеу жоспары орындалмаған жағдайда;
— қолдануға рұқсат етілген дәрілік заттар мен медициналық мақсаттағы бұйымдарға бұрын байқалмаған аллергия немесе көтере алмаушылық туындаған жағдайда;
— Клиника қызметтерін көрсеткеннен кейін үшінші тұлғалардың медициналық араласуы болған жағдайда;
— Пациент емдеуді жалғастырудан ақпараттандырылған түрде бас тартқан жағдайда, егер оған бұл жағдайда нақты көрсетілетін медициналық қызметтердің тиімсіз болуы мүмкін екендігі ескертілсе;
— Пациенттің одан әрі денсаулық жағдайы, сондай-ақ жалпы емдеуден немесе жекелеген медициналық араласулардан бас тартуға байланысты асқынулардың туындауы үшін;
— өндіруші аннотацияда туындау мүмкіндігін көрсеткен дәрілік заттар мен препараттарды қолданудан болатын жанама әсерлер үшін;
— егер Пациент дәрігерге бұрын ауырған аурулары, аллергиялық реакциялары, қарсы көрсетілімдері туралы хабарлау міндетін орындамаса және көрсетілген медициналық қызметтің тиімсіздігі немесе келтірілген зиян дәрігерде осындай ақпараттың болмауының салдары болса.

8.9. Клиника/Қызмет көрсетуші қызметтердің тиісті көлемі мен сапасы үшін жауапты болады.

8.10. Егер осы шарт бойынша міндеттемелерді ішінара немесе толық орындамау не тиісінше орындамау еңсерілмейтін күштің немесе осы шарт бойынша міндеттемелерді орындауға кедергі келтіретін басқа да форс-мажорлық жағдайлардың (табиғи апаттар, эпидемиялар, әскери іс-қимылдар, ереуілдер, құзыретті органдардың тиісті шешімдер қабылдауы және т.б.) салдары болса, Тараптар жауапкершіліктен босатылады.

8.11. Пациент/Тапсырыс беруші медицина және (немесе) фармацевтика қызметкерлерінің заңды қызметіне кедергі келтіргені, карантин режимін, санитариялық қағидалар мен гигиеналық нормативтерді бұзғаны, Қазақстан Республикасындағы қоғамдық тәртіп пен адамгершілікке қол сұғатын әкімшілік құқық бұзушылықтар үшін көзделген айыппұл санкциялары мен жауапкершілікті көтереді. Сондай-ақ Қызметтерге қатысты бұқаралық ақпарат құралдарында, әлеуметтік желілерде және (немесе) өзге де бұқаралық коммуникация жүйелерінде, оның ішінде мессенджерлер мен чаттарда Клиниканың/Қызмет көрсетушінің және (немесе) оның клиенттерінің беделіне нұқсан келтіретін және (немесе) оларды дискредиттейтін мәліметтерді таратқаны үшін жауапты болады.

8.12. Пациент/Тапсырыс беруші медициналық қызметтерге ақы төлеу талаптарын бұзған жағдайда Клиника/Қызмет көрсетуші тұрақсыздық айыбын ұстап қалу шараларын көздеуі мүмкін. Пациенттің Клиника көрсеткен қызметтер үшін берешегі туындаған жағдайда Клиника Пациент Клиника көрсеткен қызметтерге толық ақы төлегенге дейін осы Шарт бойынша одан әрі қызмет көрсетуді тоқтата тұруға құқылы.

8.14. Клиника мүлкіне залал келтірілген жағдайда Пациент келтірілген залалды толық көлемде өтеуге міндетті.

8.15. Қалған жағдайларда Тараптар Қазақстан Республикасының қолданыстағы заңнамасына сәйкес жауапты болады.

9. ШАРТ ТАЛАПТАРЫН ӨЗГЕРТУ

9.1. Осы шарттың талаптарын Клиника/Қызмет көрсетуші біржақты тәртіппен өзгерте алады. Шартқа енгізілген өзгерістер Интернетте Клиниканың/Қызмет көрсетушінің сайтында, сондай-ақ Клиниканың тіркеу бөлімінде орналасқан қағаз жеткізгіште жарияланады. Өзгерістер олар жария түрде орналастырылған сәттен бастап күшіне енеді. Редакциялар арасында алшақтық болған жағдайда Клиниканың тіркеу бөліміндегі редакция басымдыққа ие болады.

10. ШАРТТЫҢ ҚОЛДАНЫЛУ МЕРЗІМІ

10.1. Осы жария оферта шарты жария түрде орналастырылған күннен бастап күшіне енеді және «03» қаңтар 2027 жылға дейін, атап айтқанда Тараптар өз міндеттемелерін орындаған немесе шарт бұзылған сәтке дейін қолданылады. Шарт талаптарына сәйкес оның талаптары бұзылған жағдайда Клиника екінші Тарапқа жазбаша хабарлама жіберу арқылы оны біржақты тәртіппен бұзуға құқылы. Осы ережеге сәйкес Шартты бұзу үшін шартты бұзу туралы келісімге міндетті түрде қол қою немесе екінші Тараптың шартты бұзуға келісімін жазбаша түрде растауы талап етілмейді. Шарт Пациентке хабарлама жіберілген сәттен бастап бұзылды деп есептеледі.

11. ДАУЛАР МЕН ЖАНЖАЛДЫ ЖАҒДАЙЛАРДЫ ШЕШУ ТӘРТІБІ

11.1. Медициналық инцидент жағдайларын (оқиғаларын) қарау тәртібін айқындау, оларды есепке алу және талдау денсаулық сақтау саласындағы уәкілетті орган бекіткен бұйрық негізінде жүзеге асырылады.

11.2. Пациенттің құқықтары бұзылған жағдайда ол (оның заңды өкілі) жазбаша түрде талаппен жүгіне алады, ол тіркеу бөлімі арқылы беріледі және Клиника басшысының қарауына жіберіледі. Талап пікірлер мен ұсыныстар кітабында баяндалуы немесе Клиника сайтына электрондық түрде жіберілуі мүмкін. Талапқа жедел жауап алу үшін Пациентке ішкі аудит және пациенттерді қолдау қызметіне байланыс телефонының нөмірін қалдыру ұсынылады. Өтініш заңнамаға сәйкес тәртіппен қаралады.

11.3. Талап Клиника оны алған сәттен бастап 3 (үш) жұмыс күнінен 20 (жиырма) жұмыс күніне дейінгі мерзімде қаралады. Талапқа жазбаша жауап Пациент көрсеткен мекенжай бойынша пошта арқылы жіберіледі немесе Пациенттің қалауы бойынша келісілген уақытта жеке өзіне табысталуы не ауызша түсіндірілуі мүмкін. Клиника сайтында орналастырылған талапқа жауап пациент көрсеткен электрондық мекенжайға электрондық түрде жіберіледі.

11.4. Пациент барлық мәселелер, шағымдар мен ұсыныстар бойынша Ішкі аудит және пациенттерді қолдау қызметіне, сондай-ақ Клиника басшысына жүгіне алады.

11.5. Тараптар осы шарт бойынша туындаған барлық дауларды Тараптардың және/немесе олардың өкілдерінің келіссөздері, сондай-ақ медиация рәсімі арқылы шешуге міндеттенеді. Осы шартты орындау шеңберінде Тараптар реттемеген барлық даулар Қазақстан Республикасының қолданыстағы заңнамасында көзделген тәртіппен шешіледі.

12. ТАРИФТІК САЯСАТ

12.1. Мемлекеттік тапсырыс шеңберінде көрсетілетін қызметтерді қоспағанда, қызметтердің құнын Клиника дербес айқындайды және Клиника директорының бұйрығымен бекітілетін Клиника қызметтерінің прейскурантында белгілейді. Клиниканың ресми сайтында орналастырылған қызмет бағалары туралы ақпарат Клиника прейскурантындағы ақпаратпен әрқашан бірдей болады.

12.2. Клиника әлеуметтік негіздер бойынша: мүгедектік, зейнеткерлік жас, көпбалалы ана мәртебесіне байланысты өз қызметтеріне жеңілдіктер бермейді.

12.3. Клиника уақытша акциялар шеңберінде жекелеген қызметтеріне немесе барлық қызметтеріне жеңілдіктер береді, бұл туралы сайтта, әлеуметтік желілердегі өз өкілдіктері арқылы, тіркеу бөлімінде немесе кез келген басқа тәсілмен хабарлайды. Клиника жекелеген Пациенттерге олардың ресми растайтын құжаттары қоса берілген өтініштері негізінде жеңілдіктер беруге құқылы, оларды Клиника директоры қарайды.

13. ФОРС-МАЖОР

13.1. Егер міндеттемені ішінара немесе толық орындамау не тиісінше орындамау Шарт жасалғаннан кейін Тарап алдын ала болжай немесе алдын ала алмайтын төтенше сипаттағы мән-жайлардың нәтижесінде туындаған еңсерілмейтін күш жағдайларының салдары болса, Тарап жауапкершіліктен босатылады.

13.2. Шарттың мақсаттары үшін «форс-мажор» Тараптардың бақылауына бағынбайтын және күтпеген сипаттағы оқиғаны білдіреді. Мұндай оқиғаларға мыналар жатуы мүмкін, бірақ олармен шектелмейді: соғыс, әскери іс-қимылдар, табиғи немесе дүлей зілзалалар, су тасқыны, өрт, жер сілкінісі, эпидемия, сондай-ақ мемлекеттік билік немесе басқару органдарының шешімдері.

13.3. Тараптар Тараптардың төлем қабілетсіздігі форс-мажорлық жағдай болып табылмайтынын мойындайды.

13.4. Егер Шарт талаптарының орындалмауы форс-мажорлық жағдайлардың нәтижесі болса, Тараптар жауапты болмайды.

13.5. Егер Шартты орындаудың кешігуі форс-мажорлық жағдайлардың нәтижесі болса, Клиника/Қызмет көрсетуші оның талаптарын орындамауға байланысты тұрақсыздық айыбын төлеу немесе Шартты бұзу үшін жауапты болмайды.

13.6. Форс-мажорлық жағдайлар туындаған кезде Клиника/Қызмет көрсетуші Пациентке/Тапсырыс берушіге осындай жағдайлар және олардың себептері туралы дереу жазбаша хабарлама жіберуге тиіс. Егер Пациенттен/Тапсырыс берушіден өзге жазбаша нұсқаулар түспесе, Клиника/Қызмет көрсетуші Шарт бойынша өз міндеттемелерін қаншалықты орынды болса, соншалықты орындауды жалғастырады және форс-мажорлық жағдайларға тәуелді емес Шартты орындаудың балама тәсілдерін іздейді.

14. ПАЦИЕНТТІҢ ДЕНСАУЛЫҚ ЖАҒДАЙЫ ТУРАЛЫ АҚПАРАТ БЕРУ ТӘРТІБІ

14.1. Әрбір азамат өзінің денсаулық жағдайы туралы қолда бар ақпаратты, оның ішінде тексеру нәтижелері, аурудың болуы, оның диагнозы мен болжамы, емдеу әдістері, олармен байланысты қауіп, медициналық араласудың ықтимал нұсқалары, олардың салдары және жүргізілген емдеу нәтижелері туралы мәліметтерді өзіне қолжетімді нысанда алуға құқылы.

14.2. Денсаулық жағдайы туралы ақпаратты емдеуші дәрігер немесе Клиниканың өзге лауазымды тұлғалары пациентке қолжетімді және медициналық этика талаптарына сәйкес нысанда береді. Ақпарат тексеру нәтижелері, аурудың болуы, диагнозы мен болжамы, тексеру және емдеу әдістері, олармен байланысты қауіп, медициналық араласудың ықтимал нұсқалары және олардың салдары, сондай-ақ жүргізілген емдеу нәтижелері мен ықтимал асқынулар туралы мәліметтерді қамтуы тиіс. Денсаулық жағдайы туралы ақпарат азаматқа оның еркіне қарсы берілмейді. Аурудың даму болжамы қолайсыз болған жағдайда, егер азамат бұл туралы оларға хабарлауға тыйым салмаса және (немесе) осындай ақпарат берілуі тиіс тұлғаны тағайындамаса, ақпарат азаматқа және оның отбасы мүшелеріне әдепті түрде хабарлануы тиіс.

14.3. 18 жасқа толмаған кәмелетке толмағандарға және заңда белгіленген тәртіппен әрекетке қабілетсіз деп танылған тұлғаларға қатысты пациенттің денсаулық жағдайы туралы ақпарат олардың заңды өкіліне беріледі.

14.4. Медициналық құжаттамадағы ақпарат медицина қызметкерінің құпиясын құрайды және пациенттің және оның заңды өкілдерінің келісімінсіз тек қолданыстағы заңнамада көзделген негіздер бойынша берілуі мүмкін.

15. УАҚЫТША ЕҢБЕККЕ ЖАРАМСЫЗДЫҚ ПАРАҚТАРЫН, АНЫҚТАМАЛАРДЫ, МЕДИЦИНАЛЫҚ ҚҰЖАТТАМАДАН ҮЗІНДІ КӨШІРМЕЛЕРДІ ПАЦИЕНТКЕ ЖӘНЕ (НЕМЕСЕ) БАСҚА ТҰЛҒАЛАРҒА БЕРУ ТӘРТІБІ

15.1. Уақытша еңбекке жарамсыздықты куәландыратын құжаттарды, сондай-ақ медициналық құжаттамадан үзінді көшірмелерді беру тәртібі қолданыстағы заңнамамен реттеледі.

15.2. Пациенттің уақытша еңбекке жарамсыздығын куәландыратын құжат белгіленген нысандағы уақытша еңбекке жарамсыздық парағы болып табылады, оны беру тәртібі Қазақстан Республикасы Денсаулық сақтау министрінің 2020 жылғы 18 қарашадағы № ҚР ДСМ-198/2020 «Уақытша еңбекке жарамсыздыққа сараптама жүргізу, сондай-ақ уақытша еңбекке жарамсыздық парағын немесе анықтамасын беру қағидаларын бекіту туралы» бұйрығымен бекітілген.

15.3. Эмбрионды тасымалдау кезінде уақытша еңбекке жарамсыздық парағы мен анықтамасын манипуляция жүргізген медициналық ұйым береді.

15.4. Пациенттің өтініші бойынша оған ауруы туралы анықтама немесе медициналық картадан үзінді көшірме берілуі мүмкін. Пациенттің жазбаша өтініші негізінде оған медициналық картаның көшірмесі берілуі мүмкін.

15. ҚОРЫТЫНДЫ ЕРЕЖЕЛЕР

15.1. Оферта талаптарына қайшы келмей, Пациент/Тапсырыс беруші және Клиника/Қызмет көрсетуші кез келген уақытта ақылы медициналық қызметтер көрсету туралы шартты жазбаша екіжақты құжат түрінде ресімдеуге құқылы.

15.2. Осы Шарт Пациенттің/Тапсырыс берушінің Клиниканың/Қызмет көрсетушінің жария офертасын акцептеуі арқылы жасалады және Тараптар өздеріне қабылдаған міндеттемелерді толық орындағанға дейін қолданылады. Клиника/Қызмет көрсетуші Пациентті/Тапсырыс берушіні өзгерістер немесе офертаны кері қайтарып алу күшіне енгенге дейін кемінде 5 (бес) жұмыс күні бұрын міндетті түрде хабардар ете отырып, өз қалауы бойынша кез келген уақытта оферта талаптарына өзгерістер енгізу немесе офертаны кері қайтарып алу құқығын өзіне қалдырады.

15.3. Пациент/Тапсырыс беруші офертаға өзгерістер енгізу Тараптар арасында жасалған және қолданыстағы Шартқа да осы өзгерістердің енгізілуіне әкеп соғатынымен келіседі және оны мойындайды, ал Шартқа енгізілген бұл өзгерістер офертадағы тиісті өзгерістер күшіне енген сәтте бір мезгілде күшіне енеді. Осы арқылы Пациент/Тапсырыс беруші Шарт жасасу үшін қажетті барлық заңды құқықтар мен өкілеттіктерге ие екенін растайды.

15.4. Пациенттің/Тапсырыс берушінің Шартқа (жария офертаға) өзгерістер енгізілгеннен кейін қызметтерді ресімдеуі Клиника/Қызмет көрсетуші және Пациент/Тапсырыс беруші тарапынан енгізілген өзгерістермен келісу ретінде бірмәнді түсініледі.

15.5. Осы шарттың талаптарын Клиника/Қызмет көрсетуші біржақты тәртіппен өзгерте алады. Шартқа енгізілген өзгерістер Интернетте Клиниканың/Қызмет көрсетушінің сайтында және/немесе Клиниканың/Қызмет көрсетушінің орналасқан жеріндегі қағаз жеткізгіште жарияланады. Өзгерістер олар жария түрде орналастырылған сәттен бастап күшіне енеді.

15.6. Осы Шартта көзделмеген барлық мәселелер бойынша Тараптар Қазақстан Республикасының қолданыстағы заңнамасын басшылыққа алады.

16. ТАРАПТАРДЫҢ ДЕРЕКТЕМЕЛЕРІ МЕН ҚОЛДАРЫ

16.1. Тараптар Пациенттің/Тапсырыс берушінің деректемелері ретінде оның дәрігер қабылдауына және тексеруге жазылу кезінде көрсеткен ақпаратын есептеуге сөзсіз келіседі.

16.2. Клиника/Қызмет көрсетуші:

1-қосымша
Медициналық қызметтер көрсетуге арналған
ашық (жария) оферта шартына
«03» қаңтар 2022 ж.

Клиникадағы пациенттер мен олардың заңды өкілдерінің мінез-құлық қағидалары

1. Тәртіпті сақтау және қауіпсіздікті қамтамасыз ету мақсатында Клиниканың холдарында аудио- және (немесе) бейнебақылау жүргізіледі.

1.1. Клиниканың call-орталығы операторларымен жүргізілген барлық сөйлесулер жазылады.

2. Клиникаға бару мынадай қағидаларды сақтауды көздейді:

2.1. Клиникаға кірген кезде бахила кию немесе ауыстыратын аяқ киімге ауысу ұсынылады.

2.2. Жылдың суық мезгілінде пациент сыртқы киімін гардеробта қалдыруы тиіс. Жылдың кез келген мезгілінде медициналық кабинетке сыртқы киіммен кіруге тыйым салынады.

2.3. Әрбір пациентке жазылуға сәйкес белгілі бір қабылдау уақыты бөлінеді. Кешігу және қабылдаудың кідіруі көрсетілетін қызметтің сапасын төмендетіп, келесі пациенттің қабылдауын кешіктіруі мүмкін. Пациент қабылдау уақытының 30%-ынан артық уақытқа кешіккен жағдайда, егер кейінгі пациенттердің мүдделерін бұзбай қабылдауды ұзарту мүмкін болмаса, дәрігер қабылдауды басқа уақытқа ауыстыру құқығын өзіне қалдырады.

2.4. Пациент дәрігер кабинетіне оның шақыруы бойынша кіреді. Қабылдау жүріп жатқан кезде дәрігер кабинетіне шақырусыз кіруге тыйым салынады.

2.5. Алып жүруші тұлғалардың (пациенттің заңды өкілдерін қоспағанда) кабинетте болуына емдеуші дәрігердің рұқсатымен және оның барлық талаптары мен нұсқауларын орындау шартымен ғана жол беріледі, қолданыстағы заңнамада көзделген жағдайларды қоспағанда.

2.6. Барлық келушілер (пациент, заңды өкілдер, алып жүруші тұлғалар) жеке гигиена қағидаларын сақтауға міндетті.

2.7. Пациент емдеуші дәрігерден, анестезиологтан, репродуктолог дәрігерден, гинекологтан, уролог-андрологтан және т.б. жоспарланған тексеру, емдеу және/немесе хирургиялық араласу туралы өзін қызықтыратын барлық ақпаратты алуға құқылы.

2.8. Пациент денсаулық жағдайының нашарлағаны туралы емдеуші дәрігеріне дереу хабарлауға міндетті. Емдеуші дәрігер болмаған жағдайда осы ақпаратты Клиниканың тіркеу бөлімінің қызметкеріне беруі тиіс.

2.9. Клиника үй-жайларында тазалық пен тәртіпті сақтау қажет. Қоқыс, пайдаланылған жеке гигиена құралдары тек қоқыс жәшіктеріне тасталуы тиіс, пайдаланылған бахилалар Клиника фойесінде орналасқан арнайы жәшікке салынады.

2.10. Эпидемиялар кезінде әлеуметтік тәртіпті сақтау, жеке қорғаныш құралдарын, респираторлық инфекциядан қорғауға арналған дәке немесе өзге де таңғыштарды пайдалану қажет.

2.11. Клиникаға барған кезде пациенттер мен оларды алып жүретін тұлғалар Клиника мүлкіне ұқыпты қарауы қажет.

2.12. Клиника персоналы баяндалған мінез-құлық қағидалары мен осы шарттың барлық талаптары сақталмаған жағдайда пациентке қызмет көрсетуден бас тартуға құқылы.

2.13. Сақтауға тапсырылмаған жеке заттар, бағалы бұйымдар, телефон, ақша үшін Клиника жауапты болмайды.

2.14. Мүліктің кез келген түріне залал келтірілген жағдайда (жою, бүлдіру, зақымдау және т.б.) кінәлі тұлға талап қойылған сәттен бастап 7 (жеті) жұмыс күні ішінде медициналық орталыққа келтірілген залалды ерікті түрде өтейді немесе Клиника әкімшілігі оны заңда белгіленген тәртіппен кінәлі тұлғадан өндіріп алуға құқылы.

3. Мыналарға қатаң тыйым салынады:
— былапыт сөздер айтуға;
— Клиника персоналына немесе Клиникадағы өзге тұлғаларға дөрекілік көрсетуге не басқа тұлғалардың қатысуымен олармен қарым-қатынасты анықтауға;
— айқайлауға, қатты сөйлеуге, шулауға, есікті тарсылдатуға;
— эпидемия, карантин режимі, денсаулық сақтау ұйымында төтенше жағдай енгізілген кезде бейнетүсірілім жасауға;
— қабылдау және манипуляциялар кезінде телефонмен сөйлесуге;
— қоқыс пен бахилаларды еденге тастауға, Клиника ішінде жүгіруге;
— сауда өкілі ретінде әрекет етуге немесе қандай да бір тауар сатумен айналысуға;
— алкогольдік ішімдіктер ішуге, кіреберісте, сондай-ақ Клиниканың кез келген үй-жайында темекі шегуге немесе сана мен мінез-құлықты өзгертетін өзге заттарды қабылдауға.

Мыналар бұзушылық болып есептеледі:
● персоналға, басқа пациенттерге немесе өзге тұлғаларға дөрекі және құрметсіз қарым-қатынас жасау;
● басқа пациенттердің құқықтары мен заңды мүдделерін бұзу;
● дәрігер қабылдауына немесе рәсімге келмеу немесе уақытында келмеу;
● дәрігер ұсынымдарын сақтамау;
● медициналық персонал әртүрлі рәсімдерді орындаған кезде олардың талаптарын орындамау;
● дәрілік препараттарды өз қалауынша қабылдау;
● Клиника үй-жайында және аумағында темекі шегу (Тыйым салынады!);
● шартта баяндалған ішкі тәртіп пен мінез-құлық қағидаларын бұзу;
● Клиника аумағында алкогольдік немесе есірткілік масаң күйде болу.

Клиника персоналы баяндалған мінез-құлық қағидалары мен осы шарттың барлық талаптары сақталмаған жағдайда пациентке медициналық көмек көрсетуден бас тартуға құқылы.

Пациенттің құқыққа қайшы, әдепсіз мінез-құлқы, басқа пациентке немесе медициналық персоналға дөрекі сөздер айтуы, пациенттің алкогольдік немесе есірткілік масаң күйде болуы, осы қағидалардың талаптарын бұзуы жағдайында Клиника әкімшілігі, егер бұл оның өміріне қауіп төндірмесе (шұғыл жағдайларды қоспағанда), пациентті бақылау мен емдеуден бас тарту, режимді және Пациенттің мінез-құлық қағидаларын бұзғаны туралы еңбекке жарамсыздық парағына және ауру тарихына тиісті белгі қоя отырып шығару құқығын өзіне қалдырады.

Сақтауға тапсырылмаған бағалы заттар үшін Клиника әкімшілігі жауапты болмайды.

2-қосымша
Медициналық қызметтер көрсетуге арналған
ашық (жария) оферта шартына
«03» қаңтар 2022 ж.

Кері байланыс

Біз Тұтынушыларымызға/Клиенттерімізге жұмысымыз туралы кері байланыс бергені, сондай-ақ Клиникадағы қызмет көрсетуді жақсарту жөнінде ұсыныстар енгізгені үшін өте ризамыз.

Әрбір өтінішті Клиника басшылығы жеке тәртіппен қарайды және 30 (отыз) жұмыс күні ішінде міндетті түрде жауап береді.

Клиника мамандары командасының жұмысы туралы пікір қалдыруға, сондай-ақ өз тілектеріңіз бен ұсыныстарыңызды кез келген ыңғайлы тәсілмен білдіруге болады:
• Клиника сайтында («Пікірлер» бөлімі); 2ГИС және т.б.

Клиникада:
• — тіркеу бөлімінде орналасқан пікірлер мен ұсыныстар кітабы;
• электрондық пошта арқылы (info@ecomed.kz, «Пікірлер мен ұсыныстар» белгісімен).

Клиниканың әлеуметтік желідегі парақшалары:
• Instagram KZ – https://www.instagram.com/ecomed.kz
• Instagram ecomed_taraz — https://www.instagram.com/ecomed_taraz/
• TikTok — https://www.tiktok.com/@ecomed_taraz

Сондай-ақ Пациент барлық мәселелер мен ұсыныстар бойынша Ішкі аудит және пациенттерді қолдау қызметіне және (немесе) Клиника басшысына, сондай-ақ медициналық бөлім және тіркеу бөлімі бойынша құрылымдық бөлімшелердің басшыларына жүгіне алады:
• Директор: Аймурзаева Гульмира Султановна;
• Медициналық мейіргер Аюп Айдана Нұрланқызы;
• Бас бухгалтер Ноғаев Нұржан Нұғманұлы;
• Сарапшы дәрігер Абдиева Зухра Тыныштикбаевна;
• Заңгер Оспанова Айнур Саттарбековна.

«Экомед-Тараз» ЖШС
БСН 201240032079
ЖСК KZ126010291000376761
«Қазақстан Халық Банкі» АҚ-дағы БСК HSBKKZKX
Мекенжайы: Түркістан қ., Қожанов көшесі, 9
Директор Бакиров Естай Аятович

эл. пошта ecomed17@mail.ru
телефон: 8(7252) 77 22 77
Call-орталық: 8 775 007 07 00
+7 701 604 6341 бухгалтерия